Өз басым 23 жыл бойы еліміздің экономикалық гүлденуіне сеніп келдім, тіптен Елбасының ЕуроАзиялық одаққа кіргеннен кейін нарығымыз 170 млн. адамға ұлғайып табарларымызды еркін сатамыз дегеніне риза болып қолдап едім, енді Ұлттық Кәсіпкерлер палатасы төралқасының төрағасы Тимур Құлыбаевтың Атырауда өткен аймақтық кеңестің кеңейтілген отырысында айтқанынан ұққаным: «Алда Дүниежүзілік сауда ұйымының қақпасы ашылғанда, алпауыт Қытай нарығымен бәсекелестік күтіп тұр. Әзірге экспорттайтын ештеңе жоқ. Бізде экспортты қолдайтын бағдарламалар жеткілікті, қаржы да бөлінді, бөлініп те жатыр. Алайда өкінішке орай, қолдайтын өнім жоқ…»,- дегені.

Президенттік сайлау науқаны басталды. Орталық сайлау комиссиясының шешімімен ҚР Президентінің мерзімінен бұрын сайлауына үш адам кандитат болып тіркеліп, үгіт-насихат жұмыстарын бастауға жіберілді. Олар: «Нұр Отан» партиясы ұсынған, еліміздің қазіргі Президенті Нұрсұлтан Назарбаев, «Қазақстанның халықтық коммунистік партиясы» ұсынған Тұрғын Сыздықов және өзін-өзі ұсынушы Әділғазы Құсайынов.

Казақстан президенті Нұрсұлтан Назарбаев, Монако княздігі министрлерінің алдында сөйлеген сөзінде екі ел арасында  ұқсастықтар бар екенін алға тарта отырып «Сіздер сияқты біздің де жас мемлекет еліміздің экономикасын, қаржылық және әлеуметтік секторларын, медицина және ағарту саласын, сондай-ақ құрылысты дамытып жатырмыз. Ал айырмашылығымыз сіздер бұл істі 2 км² істесеңіздер біз 2 миллион 600 км² істеп жатырмыз» (http://news.nur.kz/283666.html) деген екен.