Казақстан президенті Нұрсұлтан Назарбаев, Монако княздігі министрлерінің алдында сөйлеген сөзінде екі ел арасында  ұқсастықтар бар екенін алға тарта отырып «Сіздер сияқты біздің де жас мемлекет еліміздің экономикасын, қаржылық және әлеуметтік секторларын, медицина және ағарту саласын, сондай-ақ құрылысты дамытып жатырмыз. Ал айырмашылығымыз сіздер бұл істі 2 км^{2 жерде} істесеңіздер біз 2 миллион 600 км² жерде атқарып жатырмыз» (http://news.nur.kz/283666.html) деген екен.

Бірақ мені таңғалдырғаны 2013 жылғы Википедияда Қазақстанның жер көлемі 2724900кв² деп көрсетілген (Кеңес Одағы кезінде 2717мың км² болатын). Енді Елбасы жер көлеміміз 2 миллион 600 км² деген соң 124900 км² жеріміздің қайда кеткенін білмей дал отырмын. Осынша жерге екі Эстония (жер көлемі 45226км²), бір Армения (жер көлемі 29743км²) сыйып кетеді екен.

Расында еліміздің жер көлемі бүгінгі таңда қанша екен?