Қазақ тілінің тазалығы, оның қолдану аясын кеңейту, бүгінгі таңда қазақ қоғамының алдындағы өзекті  мәселелердің бірі. Бүгінгі күні тілімізге жаңа енген термин сөздердің аударылып қолданысқа енгізілгені  құптарлық болса да, қолданысқа енгізілген кейбір сөздер көңілден шықпай тіліміздің құнарлылығын жүдетіп жүр ме деймін. Солардың кейбір көңілден шықпаған сөздерін ой елегінен өткізіп оқырмандарға ұсындым. 

1. Әркiмнiң өмiр сүруге құқығы бар

2. Ешкімнің өз бетінше адам өмірін қиюға хақысы жоқ.

ҚР Конституциясы 15 бап

ҚР Бас прокуратурасы жариялаған қаза болғандардың тiзiмiнің ішінде 15 адам бар екен. Әрине бұл өзек өрттер өкінішті жағдай оның ішінде бүрін шашып өмірдің қызығына тоймайтын кезде қыршынынан қиылған 11.03.1995 туылған Көшеров Рахат, 11.04.1974 туылған төрт баланың анасы Әбдiкәрiмова Жанар өмірінің ерте үзілуі қабырғамды қайыстырды. 

Бала кезімде анам айтқан ертегілерді сүйсіне тыңдаушы едім. Анамның «ерте ерте ертеде ешкі жүні бөртеде тышқан, сиыр, барыс, қоян, ұлу, жылан, жылқы, қой, мешін, тауық, ит, доңыз жылдың басы боламын деп таласқан көрінеді. Жан жануарлар қанша таласып бақса да құртақандай тышқан қулығын асырып жылдың басы болды содан қазақта «түйе бойына сенем деп жылдан бос қалды» деген сөз қалды»,- деп аяқтайтын. 

Телидидардың құлағын бұрап қалып едім, Атырау қаласында бес лаңкестің көздері жойылғаны туралы ақпарат беріліп жатыр екен. Сол хабардың артын ала қаза тапқан лаңкестің анасының назаланып жылаған даусын естіп қатты налып қалдым. Әрине, лаңкестер елге, халыққа зиянын тигізіп жатса залалсыздандырылған дұрыс-ау. Бірақ, қалай?..

Қазақта жорғаны: екі аяқты жорға, шалдыр жорға, үш аяқты жорға, төрт аяғы тең жорға, қой жорға, жол жорға, кекірек жорға (жортақы), шапқын жорға, түйе жорға, бес құлаштық жорға, он құлаштық жорға, су жорға, су төгілмес жорға, табақ тартар жорға,төкпе жорға, айдама жорға, шайқалған жорға, тайпалған жорға деп бөледі.